ಆನೆ ಬಂದಿತಮ್ಮ

ಆನೆ ಬಂದಿತಮ್ಮ ಮರಿಯಾನೆ ಬಂದಿತಮ್ಮ || ಪಲ್ಲವಿ ||

ತೊಲಗಿರೆ ತೊಲಗಿರೆ ಪರಬ್ರಹ್ಮ |
ಬಲು ಸರಪಣಿ ಕಡಕೊಂಡು ಬಂತಮ್ಮ || ಅನುಪಲ್ಲವಿ ||

ಕಪಟ ನಾಟಕದ ಮರಿಯಾನೆ | ನಿಕಟ ಸಭೆಯಲಿ ನಿಂತಾನೆ ||

ಶಕಟನ ಬಂಡಿಯ ಮುರಿದಾನೆ | ಕಪಟ ನಾಟಕದಿಂದ ಸೋದರ ಮಾವನ ||

ಅಕಟಕಟೆನ್ನದೆ ಕೊಂದಾನೆ || ೧ ||

ಕೀಳು ಭುವನವನುಂಡಾನೆ ಸ್ವಾಮಿ | ಬಾಲಕನೆಂಬ ಚೆಲ್ವಾನೆ ||

ಗೊಲ್ಲ ಗೋಗಳ ಕೂಡೆ ನಲಿದಾನೆ | ಚೆಲುವ ಕಾಳಿಂಗನ ಹೆಡೆಯಲಾಡುತ್ತ ||

ಸೊಬಗು ಹೆಚ್ಚಿದ ಪಟ್ಟದಾನೆ | ಮದ ಸೊಕ್ಕಿ ಬರುತಾನೆ || ೨ ||

ಭೀಮಾರ್ಜುನರನು ಗೆಲಿಸ್ಯಾನೆ | ಪರಮ ಭಾಗವತರ ಪ್ರಿಯಾನೆ ||

ಮುದದಿಂದ ಮಥುರೆಲಿ ನಿಂತಾನೆ | ಮದಮುಖದಸುರರ ದಿಗಿಲಿಟ್ಟು ಕೊಂದ ||

ಪದುಮಲೋಚನ ಪುರಂದರ ವಿಠಲನೆಂಬಾನೆ || ೩ ||

aane baMditammaa
Composer : Purandara Dasa
Language : Kannada
Deity : Krishna