ಗಜಮುಖನೆ ಸಿದ್ಧಿದಾಯಕನೆ ವಂದಿಪೆ ಶರಣು

ಗಜಮುಖನೆ ಸಿದ್ಧಿದಾಯಕನೆ ವಂದಿಪೆ ಶರಣು ||

ತ್ರಿಜಗವಂದಿತನಾದ ದೇವ ದೇವನೆ ಶರಣು ||

ಸುಜನರಿಗೆ ವಿಘ್ನವನು ಪರಿಹರಿಪೆ ಶರಣು || ಪಲ್ಲವಿ ||

ಮಂದಮತಿಯನು ಬಿಡಿಸಿ ಚಂದ ಜ್ಞಾನವನಿತ್ತು |

ಇಂದಿರೇಶನ ಪಾದ ಪೊಂದಿಪ್ಪ ತೆರದಿ |

ಸುಂದರಾಂಗನೆ ಪದದ್ವಂದ್ವಕ್ಕೆರಗುವೆ ನಿನ್ನ |

ಸಂದೇಹ ಮಾಡದಲೇ ಇಂದು ಕರುಣಿಪುದೂ || ೧ ||

ಹರನ ತನಯನೇ ಕರುಣಾಕರನೇ ಸುರ ನರ ವರದ |

ಮೊರೆಯ ಲಾಲಿಸಿ ಎನ್ನ ಕರಗಳನು ಪಿಡಿದು ||

ಪೊರೆಯದಿದ್ದರೆ ಬಿಡೆನು ನೆರೆದೆ ನಿನ್ನಡಿಗಳನು |

ತೊರೆಯಂದದಲಿ ನೋಡು ಶರಣೆಂಬೆ ನಿನಗೆ || ೨ ||

ಸಿದ್ಧಿದಾಯಕ ನಿನ್ನ ಹೊದ್ದಿ ಮೆರೆವೆನು ನಾನು |

ಅಬ್ಧಿ ಶಯನನ ಮಹಿಮೆ ಬದ್ಧದಲ್ಲಿ ಪೇಳ್ವೆ ||

ಶುದ್ಧ ಮತಿಯನು ಕೊಟ್ಟು ಉದ್ಧರಿಸಬೇಕೆನ್ನ |

ಮಧ್ವ ವಲ್ಲಭ ಶ್ರಿ ಕೃಷ್ಣಗತಿಪ್ರಿಯನೇ || ೩ ||

gajamukhane siddhidaayakane vandipe sharaNu
Language : Kannada
Deity : Ganesha